ဆူနာမိ ၅ နှစ်ပြည့်

ဒီကနေ့ ဆူနာမိဘေးအန္တာရာယ်ကြီးဖြစ်ပွားခဲ့တာ ၅ နှစ်တောင်ကြာခဲ့ပြီ။ ၂၆၊ ၁၂၊ ၂၀၀၄ ခုနှစ်က ဆူနာမိဖြစ် ခဲ့စဉ်က ထိုင်းနိုင်ငံတောင်ပိုင်းဒေသများဖြစ်တဲ့ ရနောင်း၊ ဖန်ငါ၊ ဖူးကက်၊ ကရဘီ၊ စတွန်၊ တရန် (၆) ခုက ပြည် သူပေါင်းများစွာတို့ရဲ့အသက်ကို ယူဆောင်လေတဲ့ ဆူနာမိ ...။ အဲဒီထဲမှာမှ မြန်မာရွှေ့ပြောင်းအလုပ်သမားတို့  ရဲ့အသက်ပေါင်းများစွာကိုလည်း တပြိုင်တည်းပါအောင် ယူဆောင်သွားလေတဲ့ ဆူနာမိ ...။

ဆူနာမိ ၅ နှစ်ပြည့်အထိမ်းအမှတ်အခမ်းအနားဆီကို ကျမနဲ့ခင်ပွန်းသည် သွားရောက်ခဲ့တယ်။ အခမ်းအနား ကိုတော့ နမ္မခင်းကျေးရွာမှာ ပြုလုပ်ပါတယ်၊ ထိုင်းလူမျိုးတွေရော၊ မြန်မာလူမျိုးတွေရောပါဝင်ခဲ့ကြတယ်။ ပြီး တော့ ဆူနာမိရေလှိုင်းဒဏ်ကြောင့်အသက်ဆုံးရှုံးသွားရတဲ့သူတွေအတွက် ဗုဒ္ဓဘာသာ၊ အိဆလမ်၊ ခရစ် ဘာ သာတို့ဖြင့် အမျှဝေရေစက်ချခဲ့ကြတယ်။ 

ကျမတို့ကတော့ ကိုယ့်ဆွေမျိုးသားချင်းတွေ ဆူနာမိမှာပါသွားလို့ အဲဒီအခမ်းအနားကိုသွားရောက်တာတော့ မဟုတ်ဘူး။ ဒါပေမယ့် ကိုယ့်လူမျိုးတွေပါသွားလို့ ကျန်ရစ်သူမိသားစုဝင်များနဲ့ထပ်တူထပ်မျှဝမ်းနည်းမိတဲ့ အတွက်ကြောင့်လို့ပဲ ပြောချင်ပါတယ်။ အဖြစ်အပျက်တွေက ၅ နှစ်တောင်ကြာခဲ့ပြီဆိုပေမယ့် အားလုံးရဲ့ရင်ထဲ မှာတော့ မနေ့တနေ့ကလိုပဲ ဖြစ်နေဆဲ ... ။ 

အထက်ကဓါတ်ပုံကတော့ မနက်ပိုင်း မိမိတို့ဘာသာသုံးမျိုးဖြင့် အမျှဝေရေစက်ချနေတဲ့အချိန်မှာ သေဆုံး သွားကြတဲ့ သတ္တ၀ါအပေါင်းတို့အတွက် နှင်းဆီဖြူနှင့်ဂါရ၀ပြုနေတာဖြစ်တယ်။ 

အောက်ကဓါတ်ပုံကတော့ ဆူနာမိပြတိုက် (သို့) လွမ်းဆွတ်ဖွယ်ရာ ဆူနာမိဓါးစာခံတို့၏ ဆုံဆည်းရာ လို့ခေါ် ပါတယ်။ 

  

မှတ်ချက်။     ။ သတင်းရေးတာမဟုတ်တဲ့အတွက်ကြောင့် အခမ်းအနားအစီအစဉ်နဲ့ အချက်အလက်များကို ရေးသားဖော်ပြချင်းမပြုလိုတော့ပါ။  

Happy Birth Day to ချစ်သောခင်ပွန်းသည်

21 December 2009 ..... 

ဒီနေ့ဟာ ကျမနဲ့အမြဲ ကောင်းအတူ၊ ဆိုးအမျှ ခံစားတတ်သူ၊ အခက်အခဲပြဿနာများကို ကျမရှေ့ကအမြဲ မားမားမတ်မတ်ရပ်တည် နေတဲ့သူ၊ ကျမရဲ့အမှားများကိုအစဉ်ခွင့်လွှတ်နားလည်ပေးတတ်သူ၊ ကျမရဲ့မိဘ မောင်နှမနဲ့အသိုင်းအ၀ိုင်းကို ချစ်ခင်တွယ်တာသူ၊ ကျမ ရဲ့အနာဂါတ်ကို အမြဲရည်မှန်းချက်ကြီးကြီးထား တတ်သူ၊ ပြီးတော့ ကျမကိုသိပ်ချစ်တဲ့ ခင်ပွန်းသည်ရဲ့ မွေးနေ့ဖြစ်တယ် ........ သူ့မွေးနေ့ မှာ ကျမဘာမှမလုပ် ပေးနိုင်သော်လည်း သူ့အနားမှာအမြဲရှိတာ အမှန်ပါ။ သူ့မွေးနေ့ကိုရောက်မှ ထူးဆန်းတဲ့တစ်စုံတစ်ရာကို လုပ် ပေးလေ့ရှိတာ တော့မဟုတ်ဘူး။ နေ့စဉ်နဲ့အမျှ ကိုယ့်ဘက်ကတတ်နိုင်တာလေးတွေကိုတော့ လုပ်လေ့ရှိပါ တယ်။

သူကြိုက်တတ်တဲ့ထမင်းဟင်းချက်ကျွေးတယ်၊ မနက်တိုင်းသူ့အတွက် ကော်ဖီနဲ့မုန့်ပြင်ပေးတယ်၊ သူ့အ၀တ် အစားများကိုလျှော်ပေး၊ မီးပူတိုက်ပေးတယ်၊ သူ့ပစ္စည်းပစ္စယများကို သေသေချာချာသိမ်းဆည်းပေးတယ်၊ သူနေထိုင်မကောင်းဖြစ်တဲ့အခါ သူ့ကိုနှိပ်ပေး၊ နင်း ပေးတယ်၊ ဆေးတိုက်တယ်၊ ပြီးတော့ ဘယ်ပဲသွားသွား သူမပါရင်မသွားတတ်ဘူး။ ဒါဟာ သူနဲ့ပေါင်းသင်းပြီးကတည်းကဖြစ်ပေါ်လာ တဲ့သံယောဇဉ်ပါပဲ။ 

သူ့မိဘနဲ့မောင်နှမ၊ ဆွေမျိုးအသိုင်းအ၀ိုင်းတွေကိုလည်း ကျမကိုယ့်မိဘနဲ့မောင်နှမ၊ ဆွေမျိုးအသိုင်းအ၀ိုင်း တွေလိုသဘောထားပါတာ သူအသိဆုံးပါပဲ။ သူ့မိဘ၊ ကိုယ့်မိဘနဲ့ပတ်သက်လာရင် ကျမတို့ဇနီးမောင်နှံဟာ အထွေအထူးတိုင်ပင်စရာမလိုအောင် အလိုက်သိပြီး သားဖြစ်တယ်။ အဲဒါကလည်း ကျမတို့ဘ၀အတွက် ကြည်နူးစရာအကောင်းဆုံးပါပဲ။ 

ကျမနဲ့ပတ်သက်ပြီး သူတပါးတို့က အကောင်းပြောတာဖြစ်စေ၊ မကောင်းပြောတာဖြစ်စေ သူဂရုမစိုက်ခဲ့ဘူး၊ ဒါကြောင့်လဲဆိုတော့ ကျမအကြောင်းကို သူကောင်းကောင်းသိတယ်။ ကျမမှာ အခြားမိန်းကလေးတွေနဲ့မ တူတဲ့ ကိုယ်ကျင့်သိက္ခာများစွာထိမ်းသိမ်းတတ် ခြင်း၊ သူတပါးကိုမကောင်းမကြံ၊ မပြောတတ်သလို၊ သူတပါး ကောင်းစားရေးကိုလည်း ဘယ်တော့မှမနာသ၀န်တိုမဖြစ်ဘူးဆိုတာ သူ အပြည့်အ၀ယုံကြည်ထားတယ်။ သူ တပါးတို့ရဲ့ စကားအသယ်အပို့ကြောင့် ကျမအမြဲစိတ်ဆင်းရဲမှုဖြစ်ရတဲ့အခါ သူက ကျမကို လောကီ တို့ရဲ့အမှား ကို ခွင့်လွှတ်တတ်ရန် သွန်သင်တတ်တယ်။ အဲဒါကြောင့် ကျမဘ၀ဟာ တည်ငြိမ်စွာပင် ရပ်တည်နေနိုင်ခဲ့ပြီ။ 

 ဒါကြောင့်မို့ သူ့ရဲ့မွေးနေ့တိုင်း (သို့) နေ့ဓဒူဝတိုင်းမှာ ကျမဟာ သူ့အနားမှာအမြဲပဲ တစ်သက်လုံးရှိသွားပြီး သူ့ဘ၀အေးချမ်းသာယာမှု များကို အစဉ်ပေးစွမ်းနိုင်သူဖြစ်ပါစေလို့ ဆုမွန်ကောင်း တောင်းလျက်  ..........

ချစ်ဇနီး

ကမ္ဘာ့ HIV/AIDS နေ့

ဒီဇင်ဘာလ ၂ ရက်နေ့မှာ ကျမတို့ဒေသရှိ ဘန်မွမ်းကျေးရွာက ထိုင်းစာသင်ကျောင်းတစ်ခု ကမ္ဘာ့ HIV/AIDS နေ့ကို ဒေသခံ အင်ဂျီအိုအဖွဲ့အစည်းများ နှင့် ထိုင်းအစိုးရအဖွဲ့များပူးပေါင်းကျင်းပခဲ့ကြပါတယ်။ အဲဒီအခမ်း အနားကို ကျမတို့လည်း သွားရောက်ပါဝင်ခဲ့ကြတယ်၊ အခမ်းအနားအစီအစဉ်တွေကတော့ ခရိုင်ကျန်းမာရေး ၀န်ကြီးမှ အဖွင့်မိန့်ခွန်းပြောပြီးနောက် ထိုင်း၊ မြန်မာ အဆို အကများဖြင့် ဖျော်ဖြေတင်ဆက်ခဲ့ကြပါတယ်။ အဲဒီ နောက်မှာတော့ အခမ်းအနားကိုတက်ရောက်လာတဲ့ ထိုင်း၊ မြန်မာ ကျောင်းသူကျောင်းသားများ၊ ရွှေ့ပြောင်း အလုပ်သမားများ၊ အစိုးရ၀န်ထမ်းများ၊ အင်ဂျီအိုဝန်ထမ်းများ က အေက်(စ်)နဲ့ပတ်သက်နဲ့ မေးခွန်း အမေး အဖြေများပြုလုပ်ပြီး အမှတ်တရလက်ဆောင်များပေးကြပါတယ်။ အဲဒီထဲမှာ ကျမလည်း မေးခွန်းဖြေနိုင်လို့ မျက်နှာသုတ်ပုဝါတစ်ထည်ရလာတယ်...... ။

အပြည်ပြည်ဆိုင်ရာ ကမ္ဘာ့အမျိုးသမီးများအကြမ်းဖက်မှု ပပျောက်ရေးနေ့

နိုဝင်ဘာလ ၂၅ ရက်နေ့က အပြည်ပြည်ဆိုင်ရာ ကမ္ဘာ့အမျိုးသမီးများအကြမ်းဖက်မှု ပပျောက်ရေးနေ့ အခမ်း အနားကို ကျမတို့ဒေသမှာ ကျင်းပတဲ့အတွက်ကြောင့် ကျမလည်းသွားရောက်ပါဝင်ခဲ့ပါတယ်။ အခုလိုမျိုး ကျမ တို့ဒေသမှာ အမျိုးသမီးများနဲ့ပတ်သက်ပြီး၊ အခွင့်အရေးအကြောင်း၊ အကြမ်းဖက်မှုပပျောက်ရေး အကြောင်း စတာတွေကို အဖွဲ့အစည်းအသီးသီးမှ အခြေခံလူထုများဖြစ်ကြတဲ့ ရွှေ့ပြောင်းအလုပ်သမားများကို ပညာပေး နိုင်ခြင်းဟာ မြန်မာအလုပ်သမားများရဲ့ပတ်ဝန်းကျင်မှာ အသိပညာအလွန်ပျံ့ပွားစေပြီး စိတ်ပိုင်းဆိုင်ရာပြောင်း လဲလာခြင်း၊ ကိုယ်ပိုင်းဆိုင်ရာအမူအကျင့်များပြောင်းလဲလာခြင်းကို ကျမတို့တွေ့ကြရမည်ဖြစ်တယ်။