April လကုန်၍ May လပင်ဆန်းခဲ့ပြန်ပြီ .... အပူချိန်ကတော့ လျော့သွားတာမရှိပဲ ထပ်ခါထပ်ခါထိုးလာနေသလို ခံစားမိတယ်။ နေ့ဆိုလည်း နေစရာမရှိအောင် ပူပြီး ... ညဆိုလည်း အိပ်စရာမရှိအောင် အိုက်လွန်းတယ်။ တခါ တလေမိုးလေးရွာချလိုက်ရင် အလွန်ပျော်မိတယ်။ သို့သော် မိုးစက်များမှာ ပူနွေးပြီး အအေးဓါတ်ကို အနဲငယ်မျှ တောင် မဆောင်တော့ပါ။ မိုးရွာပေမယ့် စိတ်မအေးရ၊ ခေါင်းမအေးရ၊ ကိုယ်လည်းမအေးရပဲ ... အိုက်စပ်စပ်နဲ့ကို အဆင်မပြေနိုင်ဘူး
ကိုယ့်အလုပ်က အရိပ်အောက်မှာဖြစ်သော်လည်း အအေးဓါတ်ကို လုံးဝမခံစားရဘူး။ လေပြေလေအေးနဲ့လည်း မထိတွေ့ရဘူး။ ကိစ္စတစ်ခုခုနဲ့အပြင်ထွက်တဲ့အခါ ဘောင်းဘီအရှည်၊ အင်္ကျီလက်ရှည်တွေဝတ်ပြီးသွားမှ .. ဒါမှ မဟုတ်ရင် နေပူလောင်ပြီး အသားနီညိုမဲနက်သွားလိမ့်မယ်။ ဟဲဟဲ ...
အသားနီညိုတာကိုတော့ လက်ခံကျေနပ်ပါတယ် ... ဒါပေမယ့် မဲနက်သွား မှာကိုတော့ ကြောက်တယ်။ နဂိုကမှ ပင်လယ်ကမ်းခြေမှာနေပါတယ်ဆိုမှ ကပ္ပလီဖြစ်နေအုံးမယ်။
ReplyDelete