သုံးရာသီ ဘ၀ခရီး

တောတောင်အထပ်ထပ်နဲ့ စမ်းချောင်းရေကြည်များစီး ဆင်းလျက်၊ နံနက်ငှက်ငယ်များတေးသံကိုနားဆင်ရင်း အိပ်ယာကမထနိုင်လောက်အောင် သာယာအေးချမ်းနေ ခဲ့ပါတယ်၊၊ မနက် ၅ နာရီးထိုးနေပြီ၊ သို့သော်နံနက်စော စောရဲ့ လူမမြင်နိုင်တဲ့လေပြေလေအေးနဲ့အတူ အေးချမ်း သာယာတဲ့ငှက်ငယ်များရဲ့မြူးတူးပျော်ရွှင်နေကြပုံ ကိုယ်ကို တိုင်ကလည်းမမြင်နိုင်ခဲ့ပါ၊၊ ဒါပေမဲ့ အိပ်ယာထဲက ခံစား ခွင့်ရနေခဲ့တယ်၊၊ အဲဒီအေးချမ်းသာယာတဲ့တေး သံလေးတွေနဲ့အတူ ကိုယ့်စိတ်တွေလိုက်မျောပါသွားရင်း၊ နံနက် အာရုဏ်ဆွမ်းထချက်ရမှာကို သတိရလာခဲ့တယ်၊၊ ဒါကြောင့် အိပ်ယာက ကပျာကယာထပြေးပြီး မီးဖိုချောင် ထဲဝင်၊ မျက်နှာသစ်ပြီး မီးမွှေး၊ ဆွမ်းချက်၊ မနက်စာပြင် လိုက်ရတော့တယ်၊၊ ထိုအခါ နံနက်အာရုဏ်ဦးလေးရဲ့ တိတ်ဆိတ်တဲ့ ရသကိုခံစားလိုက်ရတယ်၊၊

နံနက် ၆ နာရီထိုးတာနဲ့ ရွာအလယ်ပိုင်းဘုန်းကြီးကျောင်းက ရဟန်းသံဃာတော်များ ဆွမ်းခံကြွအလာကို တစ်ရွာ လုံးရှိအိမ်များ ဗယ်ညာနှစ်ဘက်မှာဆွမ်းခွက်ပူပူနွေးနွေးလေးတွေကို ပင့်မကာစောင့်နေကြတာ အင်မ တန်ကြည် ညိုဖွယ်ကောင်းလှပါတယ်၊၊ အဲဒီအချိန်ဆိုရင် ရွာရိုးတလျှောက်အိမ်တိုင်းဆိုသလို ဆွမ်းလောင်းဖို့ အသင့်ဖြစ်နေခဲ့ ကြပြီး သံဃာတော်များကို စောင့်စိုင်းနေခဲ့ကြတယ်၊၊ ကျောင်းသူကျောင်းသားများရှိတဲ့အိမ်တိုင်း မှလည်း စာကျက်သံများဆူညံနေသလိုပင် ကြက်ငှက်များရဲ့အစာတောင်းစားအသံတွေလည်း ရောနှောဆူညံ နေခဲ့ကြတယ်၊၊ တစ်ရွာလုံးရဲ့ ရပ်ကွက်တိုင်း၊ ရပ်ကွက်တိုင်းမှာလည်း ထိုနည်းတူစွာလုပ်လေ့ရှိခဲ့ကြပါတယ်၊၊
အိမ်ကမောင်ငယ်၊ ညီမငယ်များအတွက် ကျောင်းမှာနေ့လည်စာစားဖို့ ထမင်းဗူးထည့်ပေးပြီး သူတို့တတွေ မနက်စာအတွက်ပါ တခါတည်းပြင်ပေးရတယ်၊၊ ကိုယ်ကအကြီးဆိုတော့ အိမ်မှုကိစ္စတွေအားလုံး ပြီးစီးအောင် လုပ်ပြီးမှ ရေမိုးချိုး အ၀တ်စားလဲ၊ မနက်စာ အဆာပြေစားပြီးတာနဲ့ ကမန်းကတန်းကျောင်းကိုပြေးသွားခဲ့ရတယ်၊၊ ကျောင်းအချိန်က ၈း၃၀ ဆိုပေမဲ့ အိမ်ကနေကျောင်းရောက်အောင် ၁၀ မိနစ်လောက်အနည်းဆုံးလျှောက်ရပါ တယ်၊၊ ကျောင်းရောက်တော့ ကိုယ့်ညီမလေး၊ မောင်လေးတွေရှိရာအတန်းဘက်ကိုသွားပြီး ကြည့်ရသေးတယ်၊၊ အခြားကျောင်းသူကျောင်းသားများငယ်များနဲ့ တည့်အောင်ပေါင်းတတ်ဖို့လည်း ဆုံးမသွန်သင်ရသေးတယ်၊၊
ကျောင်းပိတ်ရက်များဖြစ်တဲ့ စနေ၊ တနင်္ဂနွေ နှင့် ဥပုဒ်နေ့တွေဆိုရင် မောင်နှမတစ်အုပ်စုလုံးဟာ အိမ်တံခါး ပိတ်ပြီး အောက်ရွာကိုကျော်ပြီးနောက်တစ်ရွာဖြစ်တဲ့ ကရင်ရွာကိုသွားကြတယ်၊၊ အဲဒီမှာ ဖေဖေနဲ့မေမေက တောင်ယာလုပ်နေတယ်ဆိုတော့ ကိုယ်တို့ မောင်နှမတသိုက်လည်း ကျောင်းပိတ်ရက်တွေမှာ ပေါင်းသင်၊ မြက်နုတ်၊ ဟင်းသီးဟင်းရွက်များစိုက်ပျိုး စတဲ့အထွေထွေအလုပ်တွေကို ၀ိုင်းလုပ်ကြဖို့ ရောက်သွားခဲ့ကြပါတယ်၊၊ ယာထဲမှာပဲညအိပ်ညနေပြီး နောက်တနေ့ညနေပိုင်းကျတာနဲ့ မောင်နှမတသိုက်အိမ်ပြန်လာခဲ့ ကြတယ်၊၊ တောင် ယာကနေအိမ်ကိုပြန်ရောက်ကြတဲ့ မောင်နှမအုပ်စုဟာ အိမ်ရောက်ရောက်ချင်း ခဏအနားယူပြီး ယာထဲက ပါလာတဲ့ အသီးအရွက်များကို ရောင်းဖို့ပြင်ဆင်ခဲ့ကြတယ်၊၊ ခရမ်းသီး၊ ချဉ်ပေါင်ရွက်၊ ကျောက်ဖရုံသီး၊ ခ၀ဲသီး၊ ရွှေဖရုံသီး၊ ငရုပ်သီးစိမ်း၊ ပိန်းဥ တို့ကိုရွာရိုးတစ်လျှောက်လည်ပတ်ပြီး လိုက်ရောင်းရင်အကုန်ရောင်းရပါတယ်၊၊ အဲဒါကို ညီမငယ်နှစ်ယောက်က သွားရောင်းဖို့တာဝန်ပေး ရပါတယ်၊၊ အိမ်မှာကျန်နေတဲ့အစ်မကြီးတွေနဲ့ မောင်လေးအငယ်ဆုံးလေးကတော့ ရေမိုးချိုး၊ ညနေစာစားဖို့ချက်ပြုတ်ခဲ့ကြတယ်၊၊ ညစာ စားပြီးတာနဲ့ မောင်နှမ တစုဟာ ကိုယ့်စာအုပ်ကိုယ်ကိုင်ပြီး စာကျက်ကြတယ်၊ အကြီးဖြစ်တဲ့သူက အငယ်ဖြစ်တဲ့သူကို စာချပေးခဲ့ရတယ်၊၊
ကျောင်းလေးက တောကျောင်းဖြစ်ပေမဲ့ သူငယ်တန်းကနေ အထက်တန်းအစထိသင်ကြားပို့ချပေးပါတယ်၊၊ ကျောင်းသူ၊ သားများဟာ ကိုယ်စီကိုယ်ငှအကျင့်စာရိတ္တကောင်းကြပြီး ပညာရေးကိုတစိုက်မတ်မတ် အားသွန် ခွန်စိုက်ကျိုးစားကြပါတယ်၊၊ ကျောင်းသား အများစုဟာ နှစ်တိုင်းလိုလိုအတန်းတင်စာမေးပွဲအောင်လေ့ရှိကြတယ်၊ ဂုဏ်ထူးများကိုရယူနိုင်ခဲ့ကြတယ်၊၊ ကျောင်းစည်းကမ်း၊ ရွာစည်း ကမ်းများကိုလည်း လိုက်နာကျင့်သုံးကြတယ်၊ ကျောင်းမှာ ကျောင်းသူ၊ သားများအချင်းချင်းစုစုစည်းစည်းနေထိုင်တတ်ကြသလို၊ ကျောင်း ပိတ်ရက်တွေဆို လည်း သူငယ်ချင်း၊ အပေါင်းသင်းတို့အိမ်တွေကို လိုက်လည်ကြတယ်၊ စာအတူကျက်တယ်၊ အိမ်စာအတူ လုပ်ကြတယ်၊ အလုပ်ရှိရင်လည်း အတူဝိုင်းလုပ်ကြတယ်၊ အလှူရှိရင်လည်း အတူဝိုင်းလုပ်ကြတယ်၊ ကျောင်းသား အားကစားပွဲတော်လုပ်ရင် အားလုံး ညီညီညွတ်ညွတ်ဝိုင်းလုပ်လေ့ရှိကြတယ်၊၊
ဝါဆို၊ ၀ါခေါင်လတွေမို့လို့ မိုးရွာမစဲ နေ့ရောညပါသည်းထန်စွာရွာသွန်းနေတော့တာပဲ၊၊ အိမ်တွေက သစ်တိုင်၊ ကြမ်းခင်း၊ ဖက်မိုး၊ ကြူထရံကာတွေပဲဆိုတော့ မိုးတွေရွာလိုက်တိုင်း အိမ်အထဲထိ အေးစိမ့်ဝင်သွားတော့တာပဲ၊၊ မိုးတွေရွာရင်းနဲ့ပင် အိမ်ခြေရင်းဘက် ရှိစမ်းချောင်းလေးကရေစီးသံ၊ ကျောက်တုံးများလိမ့်နေသံများကြားနေခဲ့ ရတယ်၊၊ ၀ါတွင်းမှာရွာတဲ့မိုးရေချိန်ကြောင့် ရွာရိုးတစ်လျှောက် မြစ်၊ ချောင်း၊ အင်း၊ အိုင်များရေလျှံကာ တံတားများ ပျက်စီးကုန်တယ်၊၊ ဒါကြောင့် ကျောင်းသူကျောင်းသားများအတွက် အခဲတွေ့ကြရတယ်၊၊ ကျောင်းအသွားအပြန်ကို အိမ်ကလူကြီးတစ်ယောက်ယောက်ကလိုက်ပို့ရင်တော့ ကျောင်းတက်နိုင်တယ်၊၊ မရှိရင် ကျောင်းပျက်ရတဲ့နေ့ တွေများပါတယ်၊၊ တခါတလေကျတော့ ကျောင်းတက်နေတဲ့အချိန်မျိုးမှာ မိုးရွာချလိုက်ရင် အိမ်ပြန်ဖို့အတွက် တံတားမရှိ၊ လာကြိုမဲ့လူ ကြီးလည်းမရှိတဲ့အဖြစ်မျိုးနဲ့ကြုံခဲ့ရတယ်၊၊ အဲဒီအခါကျတော့ အခြားလူကြီးတွေရဲ့အကူ အညီကိုတောင်းရတယ်၊၊
မိုးရာသီရောက်တိုင်း ကျောင်းသူကျောင်းသားများစုကာ ရွာရဲ့လမ်းများ၊ ဘုန်းကြီးကျောင်းလမ်းများ၊ စာသင် ကျောင်းလမ်းများကို ပြုပြင်ခဲ့ကြရတယ်၊၊ ရွာရိုးတလျှောက်က ချောင်းထဲမှသဲများကို သယ်ယူကြပြီး ချော်နေတဲ့ လမ်းများမှာ လိုက်လောင်းခဲ့ကြတယ်၊၊ ဒါမှသာ ဘုန်းကြီးများ နံနက်အာရုဏ်ဆွမ်းခံဆင်းရင် အဆင်ပြေမှာဖြစ်ပါ တယ်၊၊ ကျောင်းသူကျောင်းသားငယ်များလည်း ကျောင်းသွားတဲ့ အခါ အဆင်ပြေကြပါတယ်၊၊ နောက်ပိုင်းကျ တော့ ကျောင်းသားကြီးများစုပြီး ရွာကတံတားများကိုလိုက်ပြုပြင်ခဲ့ကြတယ်၊ ရွာထဲကကုန်းတက်၊ ကုန်းဆင်း မြေ မြင့်မြေနိမ့်နေရာများကိုလည်း လေကားထစ်တွေလုပ်ပေးခဲ့ကြတယ်၊၊ ရဟန်းသံဃာတော်များ၊ အသက်ကြီးရွယ် အို များနဲ့အတူ ကလေးငယ်များအတွက်လည်း ပိုမိုအဆင်ပြေစေခဲ့ပါတယ်၊၊ ကျောင်းလည်းပျက်စရာမလိုတော့ ဘူး၊၊

သီတင်းကျွတ်လပြည့်နေ့မတိုင်ခင် ကျောင်းသူကျောင်းသားများ ပထမစမ်းစာမေးပွဲအတွက် အကြိတ်အနယ်ကျိုး စားခဲ့ရတယ်၊၊ စာမေးပွဲပြီးတာနဲ့ ကျမတို့ကျောင်းသူကျောင်းသားများအတွက် ကျောင်းကသီတင်းကျွတ်မီးထွန်းပွဲ တော်ပြုလုပ်ပေးခဲ့တယ်၊၊ အိမ်ကမိဘ ကိုလည်း ကန်တော့ကြတယ်၊ ကိုယ့်အသိမိတ်ဆွေတွေရဲ့မိဘများကိုလည်း လိုက်ကန်တော့ခဲ့ကြတယ်၊၊ မုန့်ဖက်ထုတ်၊ မုန့်ဆီကြော် တို့ကိုလည်း တအိမ်တက်၊ တအိမ်ဆင်း လိုက်လှူလိုက် ပို့ခဲ့ကြရတာ တပျော်တပါးပါပဲ၊၊ အဲဒီရာသီမှာ ကလေးငယ်များအတွက် သိပ်ပျော် စရာကောင်းတဲ့ကာလဖြစ် ခဲ့ပါတယ်၊၊ မိဘတို့နဲ့ ဘုန်းကြီးကျောင်းကိုလိုက်သွားရင်လည်း မုန့်တွေ စားမနိုင်၊ သောက်မနိုင်ဖြစ်ခဲ့ရတယ်၊၊ လပြည့်ညမှာလည်း ဖယောင်းတိုင်မီး၊ ဆီမီးခွက်များ ထိန်ထိန်လင်းလို့ပါပဲ၊၊ မီးပုံးပျံများလည်းလွှတ်ခဲ့ကြတယ်၊၊ သူငယ်ချင်းများနဲ့တရွာလုံး ပတ်ပြီး ဆီမီးခွက်များကိုလိုက်ကြည့်ကြတယ်၊ မီးပုံးပျံများလွှတ်နေတဲ့ရပ်ကွက်တွေမှာ ကျမတို့သူငယ်ချင်းတစုလိုက်ပျော်ခဲ့ကြတယ်၊၊
နွေဦးစ၀င်တာနဲ့ အရှေ›မြောက်မုက်သုန်လေညှင်းလေး တိုက်ခတ်လာသဖြင့် တရွာလုံးအေးစိမ့်မှုတို့ဖြင့် သာ ယာလျက်ရှိခဲ့တယ်၊၊ ရွာကတောင်ကြားမှာတည်ဆောက်ထားတာမို့ မြူနှင်းများအုပ်စိုင်းပြီး ပိုအေးချမ်းစေပါ တယ်၊၊ ညနေ ၄ နာရီ၊ ၅ နာရီလောက်က တည်းက ရေချိုးထားရတယ်၊ အဲဒီထက်နောက်ကျရင်တော့ ဘယ်လိုမှဒီနေ့ အတွက်ရေမချိုးနိုင်ဘူး၊၊ စမ်းချောင်းရေကအေးတာတကြောင်း၊ ရာသီဥတုကအေးတာတကြောင်းမို့လို့ အရိုးဆီ ခမ်းစေလောက်အောင်အေးပါတယ်၊၊ ညနေ ၆ နာရီလောက်ကစပြီး အိပ်ခန်းရဲ့အောက် တည့်တည့်မှာ ထင်းတုံး ကြီးများနဲ့မီးမွေးထားခဲ့ရတယ်၊၊ ဒါမှသာ ညအိပ်ရင်အပေါ်ကစောင် ၃-၄ ထည်ထပ်ပြီး အောက်မီးငွေ့နွေးနွေး လေး နဲ့ အိပ်လို့ရမှာဖြစ်ပါတယ်၊၊ နံနက်အစောကြီးထရင် မီးဖိုထဲကိုအရင်ဆုံးပြေးဝင်ရတယ်၊ မီးထည့်ပြီး ခြေလက်တွေ နွေးအောင်လုပ်ပြီးမှ ကျန်တာတွေဆက်လုပ်နိုင်တယ်၊၊
စပါးရိတ်သိမ်းချိန်လည်းနီးနေပြီမို့ စပါးသစ်၊ ဆန်သစ်၊ ထမင်းသစ်နဲ့ မုန်ဆန်းလှော်တို့ကို စားရတော့မယ်ဖြစ် တယ်၊ စပါးရိတ် ချိန်မှာ ကျမတို့မောင်နှမတွေကျောင်းအားလပ်ရက်တွေမှာ တောင်ယာကိုသွားပြီး မိဘကိုစပါး ၀ိုင်းကူရိတ်သိမ်းပေးခဲ့ကြတယ်၊၊ အငယ်လေးတွေကတော့ စပါးမရိတ်တတ်တဲ့အတွက် ကောက်လှိုင်းများဝိုင်း သယ်ကူကြရတယ်၊၊ စပါးဦးပေါ်ချိန်မှာ ကျမတို့မောင်နှမများသိပ် ပျော်ခဲ့ကြတယ်၊ ဘာကြောင့်လဲဆိုတော့ ဆန် အသစ်နဲ့ ထမင်းစားရတဲ့အပြင် တောင်ယာကထွက်တဲ့ ဟင်းသီးဟင်းရွက်များချက်ပြုတ်ပြီး စားခဲ့ရတာ သိပ်ကို အရသာရှိလှပါတယ်၊၊ ကောက်ရိုးများကို တဲကလေးလုပ်ကာ ညဘက်ဆိုရင်အဲဒီထဲမှာ မောင်နှမတသိုက်ဝင် အိပ်ခဲ့ကြတယ်၊၊ အေးချမ်းလှတဲ့ရာသီဥတုဒဏ်ကို ကာကွယ်ပေးတဲ့အပြင် မောင်နှမများနွေးနွေးထွေးထွေးအိပ် ခွင့်ရခဲ့ပါတယ်၊၊
တန်ဆောင်တိုင်ရောက်ပြန်တော့လည်း တရွာလုံးစည်ကားလို့ပါပဲ၊ ရွာထဲမှာလူတွေပြန်စုမိတဲ့ကာလလည်း ဖြစ် ပါတယ်၊၊ ဒီအချိန်မှာ တောင်ယာသမားများ၊ ဥယဉ်ခြံပိုင်ရှင်များ၊ အထွေထွေအလုပ်သမားများ အရပ်ဝေးမှ အိမ်ပြန်ချိန်ဖြစ်ပါတယ်၊၊ အလှူအတန်း လုပ်ရမည့်အချိန်ဖြစ်တဲ့အတွက်ကြောင့် ရွာထဲစည်ကားနေသလို၊ ဘုန်းကြီး ကျောင်း၊ စာသင်ကျောင်းတို့မှာလည်း သူ့အစီစဉ်နဲ့သူ သိုက် သိုက်မြိုက်မြိုက်ဖြစ်နေခဲ့ပါတယ်၊၊ တမိုးလုံး ပင်ပင် ပန်းပန်း အရပ်ဝေးကိုသွားပြီး အလုပ်လုပ်ကိုင်နေခဲ့ရတဲ့ ကာလသား၊ ကာလသမီး အပျို၊ လူပျိုတွေလည်း အပျို၊ လူပျိုအသင်းမှာ နွေရာသီမှာ ကောင်းမှုကုသိုလ်၊ ရွာအကျိုးကိုသယ်ပိုးပေးကြဖို့ လုပ်ငန်းစဉ်ရေးဆွဲနေခဲ့ကြပြီ၊၊ ကျောင်းသူကျောင်းသားများကလည်း နွေရာသီမှာပြုလုပ်မည့် ကျောင်းသားအားကစားပွဲတော်အတွက်၊ နောက် ဆုံးအတန်းတင်စာမေး ပွဲအတွက် စီစဉ်နေခဲ့ကြရပြီ၊၊
မိဘများမှာ တမိုးလုံးလုပ်ကိုင်လို့ ရတဲ့ဆန်စပါး၊ ကောက်ပဲသီးနှံများကို ရောင်းချကာ သားသမီးများအတွက်၊ စား ၀တ်နေရေးအတွက်၊ ကျန်းမာရေးအတွက်၊ အလှူအတန်းအတွက်၊ လူမှုရေးအတွက် စတဲ့အရေးတွေအတွက် ဝေ စုခွဲကာ ငွေကြေးကိုစီမံခန့်ခွဲရလေ တယ်၊၊ ဒါ့အပြင် တပေါင်းလ ဘုရားပွဲတော်၊ တန်ခူးလ သင်္ကြန်ပွဲတော်၊ ကဆုန် လ ညောင်ရေသွန်းပွဲတော် စတဲ့ပွဲတော်များအတွက်လည်း ထည့်သွင်း စဉ်းစားရတယ်မဟုတ်လား၊၊ အင်မတန်ရိုး သားတဲ့ ဘ၀ကို ဒီလိုပဲ နှစ်စဉ်နှစ်တိုင်းပုံသေရိုးမှားနေသွားကြတဲ့ ရွာသူရွာသားများဟာ တည်ငြိမ်အေးချမ်းမှုတို့ ကိုလည်း သေပုံရိုးမှားတည်ဆောက်ထားခဲ့ပါတည်၊၊ စပါးစိုက်ပျိုးချိန်၊ ရိတ်သိမ်းချိန်များမှာ ကျမတို့ အတွက်ပင် ပန်းပေမဲ့ ပျော်စရာများနဲ့ဘ၀ကို တည်ဆောက်ခွင့်ရခဲ့ပါတယ်၊၊ ကျမ တို့ဘ၀ကိုလည်း ပိုမိုနားလည်လာစေခဲ့ပါ တယ်၊၊ ကိုယ်စီ အသိစိတ်များမွေးဖွားခွင့်ရခဲ့ကြတယ်၊၊ အင်မတန်တည်ငြိမ်အေးချမ်းတဲ့ ကျေးလက်တောရွာလေး မှာ ဘ၀ကိုစတင်ပျိုးထောင်ခွင့်ရခဲ့ခြင်း ဟာ ဘ၀ပေးကုသိုလ်လို့ပဲ ပြောလိုက်ချင်ပါတော့တယ်၊၊

ရိုးသားလျက်
ဆောင်း